കൊല്ലം ഓയൂരിൽ പ്രായപൂർത്തിയാകാത്ത സ്വന്തം മകളെ പീഡിപ്പിച്ച കേസിൽ പെൺകുട്ടിയുടെ അച്ഛനായ എഴുപതുകാരനെ പോലീസ് അറസ്റ്റ് ചെയ്തു. ഈ മാസം പത്തിന് രാത്രിയിലായിരുന്നു കേസിന് ആസ്പദമായ സംഭവം നടന്നത്. പരാതിയെത്തുടർന്ന് പൂയപ്പള്ളി പോലീസെത്തി പിതാവിനെ അറസ്റ്റ് ചെയ്യുകയായിരുന്നു. കുട്ടിയുടെ 'അമ്മ അയൽപക്കത്തേക്ക് പോയ തക്കം നോക്കിയാണ് ഇയാൾ സ്വന്തം മകൾക്ക് നേരെ ലൈംഗികാതിക്രമം നടത്തിയത്. മുൻപ് ഇയാളുടെ തന്നെ ബന്ധുവായ പ്രായപൂർത്തിയാകാത്ത പെൺകുട്ടിയെ ലൈംഗികമായി പീഡിപ്പിച്ച കേസിലും ഇയാൾ ജയിൽശിക്ഷ അനുഭവിച്ചിട്ടുണ്ടെന്ന് പോലീസ് പറയുന്നു. ഇയാൾക്കെതിരെ പോക്സോ നിയമപ്രകാരം കേസെടുത്ത് റിമാൻഡ് ചെയ്തിരിക്കുകയാണ്.