ലോക്ക് ഡൗൺ ലംഘിച്ച യുവാവിന്റെ ബൈക്ക് പൊലീസ് പിടികൂടിയതിനെ തുടർന്ന് മനം നൊന്ത് യുവാവ് ആത്മഹത്യ ചെയ്‌തു. സൂര്യനെല്ലി സ്വദേശി വിജയപ്രകാശ് (22) ആണ് മരിച്ചത്. ഞായറാഴ്ച ആണ് ബൈക്കിൽ കറങ്ങി നടന്ന യുവാവിനെ പോലീസ് പിടികൂടിയത്. തുടർന്ന് ബൈക്ക് സമീപത്തെ ഒരു കടയുടെ മുന്നിൽ വാങ്ങിവെക്കുകയും ചെയ്‌തു.

ഇതിനു പിന്നാലെ സൂര്യനെല്ലി സഹകരണ ബാങ്കിന് മുന്നിൽ വെച്ച് ഇയാൾ മണ്ണെണ്ണ ദേഹത്ത് ഒഴിച്ച് തീ കൊളുത്തുകയായിരുന്നു. 75 ശതമാനത്തോളം പൊള്ളലേറ്റ യുവാവിനെ കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചുവെങ്കിലും ഇന്ന് പുലർച്ചെ മരണപെട്ടു.