കണ്ണൂർ സെൻട്രൽ ജയിലിലെ ഐസൊലേഷൻ വാർഡിൽ നിന്നും മോഷണ കേസ് പ്രതി തടവ് ചാടി രക്ഷപെട്ടു. ഉത്തർ പ്രദേശ് ആമിർപൂർ സ്വദേശി അജയ് ബാബുവാണ് തടവ് ചാടിയത്..കഴിഞ്ഞ മാസം 25ന് ആണ് ഇയാൾ കാസർഗോഡ് കാനറാ ബാങ്കിൽ മോഷണം നടത്തിയതിൽ പൊലീസ് പിടി കൂടുന്നത്. 

കാസർഗോഡ് നിന്ന് എത്തിയത് കൊണ്ടും ഉത്തർ പ്രദേശ് സ്വദേശിയായത് കൊണ്ടും ആണ് ഇയാളെ കണ്ണൂർ സെൻട്രൽ ജയിലിലെ കോവിഡ് നിരീക്ഷണ വാർഡിൽ പ്രവേശിപ്പിച്ചത്.ജയിലിൽ കോവിഡ്  വ്യാപനം തടയുന്നതിനായി എല്ലാവർക്കും പ്രത്യേക മുറികൾ ആണ് ഒരുക്കിയിട്ടുള്ളത്.തുടർന്ന് ഇയാളും ഒരു മുറിയിൽ കഴിയുകയായിരുന്നു.

ഇയാൾ ഈ മുറിയുടെ വെന്റിലേഷൻ തകർത്തു കൊണ്ട് പുറത്തിറങ്ങുകയും റോഡിന് അടുത്തായുള്ള മതിൽ ചാടിയും ആണ് ജയിലിൽ നിന്നും രക്ഷപെട്ടത്.