കൊറോണ രോഗബാധയെ തടയുന്നതിനായി നാട്ടിലെ കേട്ടു കേൾവി വിശ്വസിച്ച മാതാപിതാക്കൾ കുഞ്ഞിന് മദ്യം നൽകി.ഇറാനിൽ ആണ് സംഭവം ഉണ്ടായത്.മദ്യം ഉള്ളിൽ ചെന്ന കുഞ്ഞ് കോമാ അവസ്ഥയിൽ തുടരുകയാണ്. കുട്ടിയുടെ കാഴ്ച്ച ശക്തിയും നഷ്ടപ്പെട്ടു.ഈ ഗുരുതരാവസ്ഥ തരണം ചെയ്‌ത്‌ കൊണ്ട് കുഞ്ഞ് അതിജീവിക്കുമോ എന്നതിൽ സംശയമാണെന്നും ഡോക്‌ടർമാർ അറിയിച്ചു.

കൊറോണയെ പ്രതിരോധിക്കാൻ മദ്യം കഴിക്കുന്നത് നല്ലതാണെന്ന് പരിസരവാസികൾ പറയുന്നത്  വിശ്വസിച്ചാണ് കുഞ്ഞിന് മദ്യം നൽകിയത് എന്ന് മാതാപിതാക്കൾ പറഞ്ഞു.കേട്ടുകേൾവിയെ വിശ്വസിക്കാതെ ഇനി എങ്കിലും ആരോഗ്യ പ്രവർത്തകരുടെ വാക്കുകൾ കേൾക്കണമെന്നും അധികൃതർ കർശന താക്കീതോടെ പറഞ്ഞു.