റെയിൽവേ സ്റ്റേഷനിലെ കൊറോണ ഡെസ്കിൽ ഫോം പൂരിപ്പിക്കുന്നതിനിടയിൽ നാഗ്പൂരിൽ നിന്നെത്തിയ കുടുംബത്തിലെ മൂന്ന് വയസ്സുകാരിയെ തട്ടികൊണ്ടുപോയ നാടോടിയെ അതിസാഹസികമായി കീഴടക്കി റെയിൽവേ പോലീസ്. തിരുവനന്തപുരത്ത് ഞായറാഴ്ച ഉച്ചയ്ക്ക് പന്ത്രണ്ടരയോടെയാണ് സംഭവം. കുട്ടിയെ തട്ടിക്കൊണ്ടുപോകുന്നതു  കണ്ട കുട്ടിയുടെ സഹോദരി നാടോടിക്ക് പിന്നാലെ ഓടുന്നത് കണ്ട റെയിൽവേ പൊലീസുകാരും ഇയാൾക്കു പിറകെ ഓടുകയായിരുന്നു. 
പൊലീസുകാർ ഓടി പിടിക്കുമെന്നായപ്പോൾ ഇയാൾ കുട്ടിയെ തീവണ്ടിക്കു മുന്നിലേക്ക് എറിയാൻ ശ്രമിച്ചു . ഇതിനിടെയിലാണ്  പൊലീസുകാർ കുഞ്ഞിനെ സാഹസികമായി രക്ഷിച്ചത് . പ്രതിയെ കീഴ്പ്പെടുത്തുന്നതിനിടെ എഎസ്ഐ ജയകുമാറിന് പരിക്കേൽക്കുകയും ചെയ്തിരുന്നു. സംഭവത്തിൽ തിരുനെൽവേലി സ്വദേശി മാരിയെയാണ് തമ്പാനൂർ സെൻട്രൽ റെയിൽവേ പൊലീസ് പിടികൂടിയത്.