പ്രണയാഭ്യർത്ഥന നിരസിച്ച വിദ്യാർത്ഥിനിയെ വഴിയിൽ തടഞ്ഞു നിർത്തി മർദ്ധിച്ച കേസിലെ പ്രതി അയിരൂർ പോലിസിന്റെ പിടിയിലായി. പാളയംകുന്ന് മുരിങ്ങ വിള വീട്ടിൽ സജിത്ത് (21) ആണ് പൊലീസിന്റെ പിടിയിലായത്.   ഇയാൾ രണ്ടു വർഷമായി ഒൻപതാം ക്ലാസ് വിദ്യാർത്ഥിനിയെ ശല്യം ചെയ്യുമായിരുന്നു. വിദ്യാർത്ഥിനി സ്കൂൾ വിട്ട് വീട്ടിലേക്ക് മടങ്ങും വഴിയാണ് പ്രതി തടഞ്ഞു നിർത്തി ക്രൂരമായി മർദ്ധിച്ചത് . വിദ്യാർത്ഥിയുടെ രക്ഷകർത്താക്കളുടെ പരാതിയെ തുടർന്നാണ് പിടികൂടിയത്. അയിരൂർ സർക്കിൽ ഇൻസ്പെക്ടർ ജി.രാജീവ് ,എസ്.ഐ സജീവ്, ഗ്രേഡ് എസ്.ഐ അജയകുമാർ, സി.പി.ഒ മാരായ സജീർ, അഭിലാഷ്  എന്നിവർ ഉൾപ്പെട്ട  സംഘം  പ്രതിയെ അറസ്റ്റ് ചെയ്ത് കോടതിയിൽ ഹാജരാക്കി റിമാൻറ് ചെയ്തു.