ഡിവൈഎഫ്‌ഐ വഞ്ചിയൂർ വിഷ്ണു വധകേസിലെ പ്രതി 12 വര്‍ഷത്തിന് ശേഷം പിടിയില്‍. ആർഎസ്എസ് നേതാവായ ആസാം അനിയാണ് പിടിയിലായത്. മുൻപ് ഇയാൾ വളരെക്കാലം ആസാമിൽ Rടട പ്രചാരകനായിരുന്നു. തിരുവനന്തപുരം മണികണ്‌ഠേശ്വരത്ത് നിന്നുമാണ് പോലീസ് ഇയാളെ പിടികൂടിയത്. 2008 ഏപ്രില്‍ ഒന്നിനാണ് വിഷ്ണു കൊല്ലപ്പെട്ടത്. ബൈക്കിലെത്തിയ സംഘം വിഷ്ണുവിനെ വെട്ടിക്കൊല്ലുകയായിരുന്നു. കേസില്‍ ആകെ 16 പ്രതികളാണുണ്ടായിരുന്നത്. ആര്‍എസ്എസ്, ഹിന്ദു ഐക്യവേദി പ്രവര്‍ത്തകരുമായി അടുത്ത ബന്ധമുള്ളയാളാണ് ആസാം അനി. ശംഖുമുഖം എസിപിയുടെ നേതൃത്വത്തില്‍ ഇയാളെ ചോദ്യം ചെയ്യുകയാണ്. ഇന്ന് തന്നെ ഇയാളെ കോടതിയില്‍ ഹാജരാക്കും.