തിരുവനന്തപുരം വെട്ടുകാട് സ്വദേശിനി അനുഷ പീറ്ററിന്റെ മരണത്തിൽ വൻ ദുരൂഹത. ആത്മഹത്യ ചെയ്തതാണെന്ന് പ്രാഥമിക വിലയിരുത്തൽ നടന്നെങ്കിലും തുടരന്വേഷണത്തിൽ പെൺകുട്ടി ബലാത്സംഘം ചെയ്യപ്പെട്ടിരുന്നു എന്ന് തെളിഞ്ഞതോടെ കേസ് കൂടുതൽ സങ്കീർണമായി. പെൺകുട്ടിയുടെ കാമുകനെയും നാല്‌ സുഹൃത്തുക്കളെയും പോലീസ് കസ്റ്റഡിയിലെടുത്തത് ചോദ്യം ചെയ്തു വരികയാണ്. അനുഷ മരിക്കുന്നതിന് തൊട്ടു മുൻപ് സുഹൃത്തുക്കളുമൊത്ത് വിനോദയാത്ര പോയതായി അടുത്ത സുഹൃത്തുക്കളുടെ മൊഴിയിൽ നിന്നും വ്യക്തമായതായി അന്വേഷണ ഉദ്യോഗസ്ഥർ അറിയിച്ചു. 

കാമുകനുമായി പിരിഞ്ഞതിലുള്ള മനോവിഷമത്തിലാണ് അനുഷ ആത്മഹത്യ ചെയ്തതെന്നായിരുന്നു പ്രാഥമിക നിഗമനം. വെട്ടുകാട് പള്ളിയ്ക്ക് സമീപം താമസിച്ചിരുന്ന അനുഷയെ ശനിയാഴ്ചയാണ് മരിച്ച നിലയിൽ കണ്ടെത്തിയത്. തിരുവനന്തപുരം പട്ടത്ത് പെൺകുട്ടികൾക്കുള്ള വിദ്യാലയത്തിലാണ് അനുഷ പഠിച്ചിരുന്നത്.