കണ്ണൂർ ജില്ലയിലെ തയ്യിലിൽ പിഞ്ചു കുഞ്ഞിന്റെ മൃതദേഹം കടലിൽ നിന്ന് കണ്ടെത്തി. കൊടുവള്ളി ഹൗസിൽ ശരണ്യ പ്രണവ് ദമ്പതികളുടെ മകൻ വിയ്യാൻ ആണ്‌ ദുരൂഹ സാഹചര്യത്തിൽ മരിച്ചതായി കണ്ടെത്തിയത്. 

ഇന്നലെ പുലർച്ചെ 6:20ന് ആണ്‌ ഉറക്കി കിടത്തിയ കുട്ടിയെ കാണാൻ ഇല്ല എന്ന പരാതിയുമായി അച്ഛൻ പോലീസിനെ വിവരം അറിയിക്കുന്നത്. സംഭവത്തിൽ പോലീസ് അന്വേഷണം ആരംഭിച്ച സാഹചര്യത്തിൽ കുട്ടിയെ കടപ്പുറത്തെ കരിങ്കൽ ഭിത്തിക്കിടെ കണ്ടെത്തുകയായിരുന്നു.
ഇന്ന് കിട്ടിയ പോസ്റ്റ്മോർട്ടം റിപ്പോർട്ടിൽ കൊലപാതകമെന്ന് വ്യക്തമായി . കുട്ടിയുടെ തലക്കേറ്റ ക്ഷതമാണ് മരണ കാരണം. കുഞ്ഞിനെ തലക്കടിച്ചു കൊലപ്പെടുത്തിയ ശേഷം കരിങ്കല്ലിനിടയിൽ തള്ളിയതാവും എന്നും പോലീസ് കരുതുന്നു. മാതാപിതാക്കൾ ഉൾപ്പടെ ഉള്ളവരെ സംശയാസ്പദമായി ചോദ്യം ചെയ്യൽ തുടരുന്നു.