മൂന്നു മാസം പ്രായമായ കുഞ്ഞും അമ്മയും പൊള്ളലേറ്റ് മരിച്ചു.  വടക്കഞ്ചേരി ആയക്കാട് അടിയത്തുപാടം മനോജിന്റെ ഭാര്യ നിജ (35) ഉം 3 മാസം പ്രായമായ പെൺകുഞ്ഞുമാണ് മരിച്ചത്. ഹൈദരാബാദിൽ അധ്യാപികയായിരുന്ന നിജ പ്രസവശേഷം മാനസിക അസ്വാസ്ത്യം കാണിച്ചിരുന്നതായി പൊലീസ് പറഞ്ഞു. ഇന്ന് ഉച്ചക്കാണ് ഭർതൃവീട്ടിൽ പൊള്ളലേറ്റ നിലയിൽ ഇരുവരേയും കണ്ടത്. ഈ സമയം വീട്ടിൽ ആരുമില്ലായിരുന്നു. മറ്റ് രണ്ട് പെൺമക്കൾ കൂടി ഇവർക്കുണ്ട്. വടക്കഞ്ചേരി പൊലീസ് മേൽനടപടി സ്വീകരിച്ചു.