മഞ്ചേശ്വരത്ത് അദ്ധ്യാപികയെ മരിച്ച നിലയിൽ കണ്ടെത്തിയ സംഭവത്തിൽ സഹ പ്രവർത്തകനായ അദ്ധ്യാപകൻ വെങ്കിട്ട രമണ കാരന്തര അറസ്റ്റിൽ . ബക്കറ്റിലെ വെള്ളത്തിൽ മുക്കി കൊന്ന ശേഷം മൃതദേഹം പുഴക്കരയിൽ ഉപേക്ഷിക്കുകയായിരുന്നുവെന്ന് പൊലീസ് പറഞ്ഞു .

മിയാപദവ് സ്കൂളിലെ അദ്ധ്യാപിക രൂപശ്രീയെയാണ് ദുരൂഹ സാഹചര്യത്തിൽ കടപ്പുറത്ത് മരിച്ച നിലയിൽ കണ്ടെത്തിയത് . അദ്ധ്യാപകനുമായി അദ്ധ്യാപികയ്ക്ക് സാമ്പത്തിക ഇടപാടുകൾ ഉണ്ടായിരുന്നതായും സൂചനയുണ്ട് .കഴിഞ്ഞ വ്യാഴാഴ്ച ഉച്ചയോടെയാണ് സ്കൂളിൽ പോയ രൂപശ്രീയെ കാണാതായത്. വെള്ളിയാഴ്ച ഭാര്യയെ കാണാനില്ലെന്ന് കാട്ടി ഭർത്താവ് മഞ്ചേശ്വരം പൊലീസിൽ പരാതി നൽകിയിരുന്നു. അന്വേഷണം നടക്കുന്നതിനിടെ ശനിയാഴ്ച രാവിലെ പെർവാഡ് കടപ്പുറത്താണ് രൂപശ്രീയുടെ മൃതദേഹം കണ്ടെത്തിയത്.തലമുടി പൂർണ്ണമായി കൊഴിഞ്ഞ നിലയിലായിരുന്നു മൃതദേഹം.