മറ്റുള്ളവരെ പറ്റിക്കുന്നവരാണ് കള്ളന്മാർ. എന്നാൽ കള്ളന്മാർക്ക് അക്കിടി പറ്റിയ സംഭവം റിപ്പോർ‌ട്ട് ചെയ്തിരിക്കുന്നത്  കൊൽക്കത്തയിൽ നിന്നാണ്. എ.ടി. എമ്മെന്ന് കരുതി പാസ്ബുക്ക് പ്രിന്റിങ്ങ് മെഷീൻ മോഷ്ടിച്ച കള്ളന്മാർക്കാണ് അക്കിടി പറ്റിയത്. കൊൽക്കത്ത ന​ഗരത്തിലെ സ്വകാര്യബാങ്കിന്റെ പാസ്ബുക്ക് പ്രിന്റിങ്ങ് മെഷീനാണ് എ.ടി. എമ്മെന്ന് കരുതി കള്ളന്മാർ മോഷ്ടിച്ചുകൊണ്ടുപോയത്. സി.സി.ടി.വി ദൃശ്യത്തിലൂടെ കള്ളന്മാരെ പൊക്കുകയും ചെയ്തു. പാസ് ബുക്ക് പ്രിന്റിങ്ങ് മെഷൻ കാണാതായത് നാട്ടുകാരുടെ ശ്രദ്ധയിൽ പെടുകയും അവർ‌ പൊലീസിൽ അറിയിക്കുകയും ആയിരുന്നു.