കളിയിക്കാവിള കൊലപാതകക്കേസിലെ മുഖ്യ പ്രതികളെ പിടികൂടി. തൗഫീക്ക്, അബ്ദുള്‍ ഷെമീം എന്നിവരാണ് പിടിയിലായത്. കര്‍ണ്ണാടകത്തിലെ ഉടുപ്പിയില്‍ നിന്ന് തമിഴ്‌നാട് ക്യു ബ്രാഞ്ചാണ് ഇവരെ പിടികൂടിയത്.

പ്രതികള്‍ ആക്രമണത്തിന് മുന്‍പുള്ള ഏഴ് മണിക്കൂര്‍ ചെലവഴിച്ചത് നെയ്യാറ്റിന്‍കരയിലാണെന്നു തെളിഞ്ഞിട്ടുണ്ട്‍. ഈ മണിക്കൂറില്‍ ഇവര്‍ എന്ത് ചെയ്തൂവെന്ന് വ്യക്തതയില്ലാത്തതിനാല്‍ നിര്‍ണായകമായ ഈ സമയത്തെ മുഴുവന്‍ ഫോണ്‍ വിളികളും പൊലീസ് പരിശോധിക്കുകയാണ്‌. തീവ്രസംഘടനയുടെ ആസൂത്രിത ആക്രമണമാണ് വെടിവയ്പ്പെന്നും പൊലീസ് സ്ഥിരീകരിച്ചു