മലപ്പുറത്ത് ഡോക്ടര്‍മാരായ സുഹൃത്തുക്കളെ തടഞ്ഞ് പണം തട്ടി. കൊളത്തൂരിനടുത്ത എരുമത്തടത്താണ് സംഭവം. ബലമായി എ.ടി.എം കാർഡും പിൻ നമ്പറും വാങ്ങി 20000 രൂപയാണ് തട്ടിയത്. സംഭവത്തില്‍ അഞ്ച് പേരെ പൊലീസ് അറസ്റ്റ് ചെയ്തു.കോഴിക്കോട് സ്വദേശികളായ ഡോക്ടർമാരെ കാറിൽ തടഞ്ഞുവച്ച് ദൃശ്യങ്ങൾ പകർത്തുകയായിരുന്നു. അഞ്ച് മണിക്കൂറോളമാണ് തടഞ്ഞുവച്ചത്. എരുമത്തടം സ്വദേശികളായ നബീൽ, ജുബൈസ്, മുഹ്സിൻ, അബ്ദുൽ ഗഫൂർ, സതീഷ് കുമാർ എന്നിവരാണ് പിടിയിലായത്. സംഭവം മോറല്‍ പൊലീസിങാണോ എന്ന കാര്യത്തില്‍ പൊലീസ് വ്യക്തത വരുത്തിയിട്ടില്ല.