ബലാത്സംഗ കേസിലെ പ്രതിയായതോടെ രാജ്യംവിട്ട വിവാദസ്വാമി നിത്യാനന്ദയ്ക്ക് ഇക്വഡോറില്‍ 'സ്വന്തം രാജ്യം'. കൈലാസം എന്നാണു പേര്. സ്വന്തം രാജ്യത്തിന്റെ വിവരങ്ങള്‍ ഉള്‍പ്പെടുന്ന വെബ്സൈറ്റും ഇയാളുടേതായുണ്ട്. ലാറ്റിനമേരിക്കയിലെ ഇക്വഡോറില്‍ നിത്യാനന്ദ വിലകൊടുത്തു വാങ്ങിയ ഒരു ദ്വീപാണിത്. 'ഭൂമിയിലെ മഹത്തായ ഹിന്ദു രാജ്യം' എന്നാണ് ഇതിനെക്കുറിച്ച് നിത്യാനന്ദ വെബ്സൈറ്റില്‍ അവകാശപ്പെടുന്നത്. പ്രധാനമന്ത്രിയും മന്ത്രിസഭയുമെല്ലാമുള്ള പരമാധികാര റിപ്പബ്ലിക് ആണിതെന്നും നിത്യാനന്ദയുടെ ബെബ്സൈറ്റ് അവകാശപ്പെടുന്നു.