ശബരിമലയിലെ അരവണയിൽ ചത്ത പല്ലിയെ കണ്ടെന്ന ആരോപണം ക്രമസമാധാന വിഭാഗം എഡിജിപി ഷെയ്ഖ് ദർവേഷ് സാഹേബ് അന്വേഷിക്കും. സംഭവത്തിൽ അന്വേഷണം നടത്തി ഉടൻ റിപ്പോർട്ട് സമർപ്പിക്കാൻ സംസ്ഥാന പോലീസ് മേധാവി ലോക് നാഥ് ബെഹ്റ നിർദ്ദേശം നൽകി. ശബരിമലയിലെ ചീഫ് പോലീസ് കോർഡിനേറ്റർ കൂടിയാണ് എഡിജിപി ഷെയ്ക്ക് ദർവേഷ് സാഹേബ്.

തിരുവന്തപുരം വട്ടപ്പാറ സ്വദേശിയായ ശശി വാങ്ങിയ അരവണയിൽ പല്ലിയെ കണ്ടുവെന്നായിരുന്നു ആരോപണം. ഒരു ബോക്സ് അരവണയാണ് ശശി വാങ്ങിയത്. ഇതിൽ നിന്നൊരെണ്ണം പൊട്ടിച്ച് വീട്ടിൽ വന്ന് പൊട്ടിച്ച് കുട്ടികൾക്കും മറ്റും നൽകുന്നതിനിടെയാണ് അരവണയിൽ പല്ലിയുണ്ടെന്ന് കണ്ടത്. പല്ലിയുടെ അറ്റു പോയ വാലും ഇതിൽ നിന്ന് കണ്ടെത്തിയിരുന്നു.