സൂപ്രണ്ടിനെതിരായ പരാതിയെത്തുടർന്ന് കൊല്ലം വിക്ടോറിയ ആശുപത്രിയിലെ ഡോക്ടർമാരിൽ നിന്നും ഡി. എം. ഒ മൊഴിയെടുത്തു. സാമ്പത്തിക ഇടപാടുകൾ  സുതാര്യമല്ലെന്നും സുപ്രണ്ട് അധികാരദുർവിനിയോ​ഗം നടത്തുകയാണെന്നുമുള്ള പരാതിയെത്തുടർന്നാണ് ഡി. എം. ഒ അന്വേഷണം ആരംഭിച്ചത്. ആരോപണത്തെത്തുടർന്ന് ആരോ​ഗ്യവകുപ്പ് വിജിലൻസ്  ആശുപത്രിയിൽ അന്വേഷണം നടത്തിയിരുന്നു. ഇതേത്തുടർന്നാണ് ഡി. എം. ഒ ഇടപെട്ടത്. ആശുപത്രിക്കകത്ത് സ്വകാര്യപ്രാക്ടീസ് നടത്തുകയാണെന്ന് സൂപ്രണ്ടിനെതിരെ പരാതിയുണ്ട്.  പഠനാവശ്യത്തിനെന്ന പേരിൽ സൂപ്രണ്ട് നടത്തിയ വിദേശയാത്രയും പരിശോധിക്കുന്നുണ്ട്. ഇതിനുപുറമേ ആശുപത്രിയിൽ അടുത്തിടെ നടന്ന ശിശുമരണങ്ങളെപ്പറ്റി പൊലീസും അന്വേഷിക്കുന്നുണ്ട്. തനിക്കെതിരായ ആരോപണങ്ങൾക്ക് പിന്നിൽ ആശുപത്രിയിലെ ജീവനക്കാരാണെന്ന് കുറ്റപ്പെടുത്തിയുള്ള സൂപ്രണ്ടിന്റെ ഫേസ്ബുക്ക് പോസ്റ്റും വിവാദമായിരിക്കുകയാണ്.