സേവനപ്രവർത്തനത്തിന് നൽകിയ കോടിക്കണക്കിന് ഡോളർ ദുരുപയോ​ഗം ചെയ്തതിന് ​ഗോസ്പൽ ഫോർ ഏഷ്യയ്ക്കും ബിലീവേഴ്സ് ചർച്ച് മേധാവി ബിഷപ്പ് ഡോ.കെ.പി. യോഹന്നാനുമെതിരെ അമേരിക്കയിൽ നൽകിയ കേസ് ഒത്തുതീർപ്പാക്കി. മിഷണറി പ്രവർത്തനത്തിൻ്റെ പേരിൽ ഉയർന്ന സാമ്പത്തിക തട്ടിപ്പുകേസിൽ 37 ദശലക്ഷം ഡോളർ(261 കോടി  രൂപ) നഷ്ടപരിഹാരം നൽകിയാണ് കേസ് ഒത്തുതീർപ്പാക്കിയത്.

ഇന്ത്യൻ ​ഗ്രാമങ്ങളിലെ സേവനപ്രവർത്തനങ്ങൾക്ക് അമേരിക്കയിൽ നിന്നും പണം സ്വരൂപിച്ച് സ്വന്തം കുടുംബാം​ഗങ്ങളുടെ പേരിൽ ആസ്തിയുണ്ടാക്കിയെന്നായിരുന്നു കെ.പി. യോഹന്നാനെതിരായ കേസ്. അമേരിക്കയിലെ ഡോക്ടർ ദമ്പതികളായ മർഫി,​ഗാർലാൻഡ് എന്നിവരാണ് യോഹന്നാനെതിരെ പരാതി നൽകിയത്. അവിടത്തെ കോടതിയിൽ നടക്കുന്ന കേസ് കോടതിക്ക് പുറത്താണ് ഒത്തുതീർപ്പാക്കിയത്. പണം ​ഗോസ്പൽ‌ ഫോർ ഏഷ്യ ദുരുപയോ​ഗം നടത്തിയിട്ടില്ലെന്ന വാദം ഒത്തുതീർപ്പിന്റെ ഭാ​ഗമായി അം​ഗീകരിച്ചു.

കെ.പി. യോഹന്നാൻ നഷ്ടപരിഹാരമായി 261 കോടി രൂപ നൽകണമെന്നും ​ഗോസ്പൽ ഫോർ ഏഷ്യ എന്ന അമേരിക്കൻ ആസ്ഥാനമായ സംഘടനയുടെ ബോർഡ് അം​ഗത്വത്തിൽ നിന്നും യോഹന്നാന്റെ ബന്ധുക്കളെ പുറത്താക്കണമെന്നുമായിരുന്നു ഒത്തുതീർപ്പ് വ്യവസ്ഥ. പണം കൈമാറുന്നതുവരെ അമേരിക്കയിലെ ​ഗോസ്പൽ ഫോർ ഏഷ്യയുടെ  ഓഫീസ് ഈടായി നൽകണമെന്നും വ്യവസ്ഥയിലുണ്ട്.
നഷ്ടപരിഹാര തുക മുഴുവൻ പാവപ്പെട്ടവരുടെ ക്ഷേമത്തിനായി വിനിയോ​ഗിക്കുമെന്ന് പരാതി നൽകിയ അമേരിക്കൻ ദമ്പതികൾ അറിയിച്ചു.