മധുവിന്റെ പങ്ക് അന്വേഷിക്കണം

വാളയാർ പീഡനക്കേസിലെ പ്രതി മധുവിന്റെ വീടിന് സമീപത്ത് നടന്ന മറ്റൊരു ആത്മഹത്യ കൂടി അന്വേഷിക്കണം എന്ന ആവശ്യമുയരുന്നു. മധുവിന്റെ അയൽ വീട്ടിലെ പട്ടികജാതി വിഭാഗത്തിൽ പെട്ട യുവതി 2015 ൽ മണ്ണെണ്ണ ഒഴിച്ച് തീ കൊളുത്തി മരിച്ച കേസിൽ  മധുവിന്റെ 
 സുഹൃത്ത് ജോൺ പ്രവീൺ  പൊലീസിൽ മധുവിനെതിരായി മൊഴി നൽകിയിരുന്നുവെങ്കിലും മരണം ആത്മഹത്യയാണെന്ന നിലപാടിലായിരുന്നു പൊലീസ്.മൊഴി നൽകിയ ജോൺ പ്രവീൺ പിന്നീട് ആത്മഹത്യചെയ്തതായും കണ്ടെത്തി. ഈ മരണങ്ങളിലെല്ലാം പൊലീസിന്റെ കുറ്റകരമായ അനാസ്ഥയുണ്ടെന്ന് നാട്ടുകാർ ചൂണ്ടിക്കാണിക്കുന്നു.