യുവാവ് ട്രെയിനിനു മുന്നില്‍ തള്ളിയിട്ടു കൊലപ്പെടുത്തിയ ബിരുദ വിദ്യാര്‍ഥിനിയുടെ അച്ഛന്‍ ഹൃദയാഘാതത്തെ തുടര്‍ന്ന് മരിച്ചു. പ്രണയാഭ്യര്‍ഥന നിരസിച്ചതിന്റെ പേരില്‍ കൊല്ലപ്പെട്ട ചെന്നൈ ടി നഗര്‍ സ്വദേശിനി സത്യയുടെ പിതാവ് മാണിയ്ക്കമാണ് മരിച്ചത്.

വ്യാഴാഴ്ചയാണ് നാടിനെ നടുക്കികൊണ്ട് ജെയിന്‍ കോളജ് ബി ബി എ മൂന്നാം വര്‍ഷ വിദ്യാര്‍ഥിനി സത്യയെ സതീഷ് എന്ന യുവാവ് ട്രെയിനിന് മുന്നില്‍ തള്ളിയിട്ട് കൊലപ്പെടുത്തിയത്. മകളുടെ മരണവാര്‍ത്തയറിഞ്ഞ് നെഞ്ചുവേദന അനുഭവപ്പെട്ടതിനെ തുടര്‍ന്ന് മാണിയ്ക്കത്തെ ആശുപത്രിയില്‍ പ്രവേശിപ്പിച്ചെങ്കിലും രക്ഷിക്കാനായില്ല.