വയനാട്ടില്‍ നിന്നു കാണാതായ വനിതാ സി ഐയെ തിരുവനന്തപുരത്തു സുഹൃത്തിന്റെ വീട്ടില്‍ കണ്ടെത്തി. വയനാട് പനമരം സ്റ്റേഷന്‍ ഹൗസ് ഓഫിസറായ സിഐ കെ എ എലിസബത്തിനെയാണു തിരുവനന്തപുരത്തെ സുഹൃത്ത് റിട്ട. വനിതാ എസ് ഐയുടെ ഫ്‌ലാറ്റില്‍ കണ്ടെത്തിയത്.

തിങ്കളാഴ്ച് കോടതി ഡ്യൂട്ടിക്കായി പാലക്കാടേക്ക് പോയ സിഐയെ കാണാതാവുകയായിരുന്നു. മാനന്തവാടി ഡിവൈ എസ് പിയുടെ നേതൃത്വത്തിലുള്ള പോലീസ് സംഘം അന്വേഷണം നടത്തുകയായിരുന്നു. സിഐ പാലക്കാട് എത്തിയതായി പോലീസിന് വിവരം കിട്ടിയിരുന്നു. രണ്ട് വര്‍ഷം മുന്‍പ് പാലക്കാട് ആലത്തൂര്‍ സ്റ്റേഷനിലെ സി ഐ ആയിരുന്നു എലിസബത്ത്.