തിരുവനന്തപുരത്തും കൂടത്തായി മോഡൽ മരണ പരമ്പര . കരമന കുളത്തറയിൽ കുടുംബത്തിലെ ജയമാധവനും ജയമാധവനും കുടുംബാംഗങ്ങളുമാണ്  മരണപ്പെട്ടത് . ഏഴ് പേരാണ് ദുരൂഹ സാഹചര്യത്തിൽ മരണപ്പെട്ടത് . കുടുംബാംഗങ്ങളെ കൊലപ്പെടുത്തിയ ശേഷം കാര്യസ്ഥൻ  വ്യാജ ഒസ്യത്തുണ്ടാക്കി സ്വത്ത്  തട്ടിയെടുത്തെന്ന  ബന്ധുക്കളുടെ പരാതിയിൽ  പൊലീസ് അന്വേഷണം തുടങ്ങി. ഡിസിപിയുടെ നേതൃത്വത്തിലുള്ള പ്രത്യേക സംഘം കേസ് അന്വേഷിക്കും.  കുടുംബത്തിലെ ഏഴുപേരുടെ മരണത്തിനുശേഷമാണ് വ്യാജ ഒസ്യത്ത് വഴി സ്വത്ത്  കൈമാറ്റം നടന്നതെന്ന് പോലീസ് കണ്ടെത്തി . നഗരത്തിന്റെ വിവിധ ഭാഗങ്ങളിൽ കുളത്തറയിൽ കുടുംബത്തിന് കോടിക്കണക്കിനു രൂപയുടെ സ്വത്ത് വകകളുണ്ടെന്നു ബന്ധുക്കൾ പറഞ്ഞു . മരണങ്ങളില്‍ ദുരൂഹതയുണ്ടെന്ന്  ചൂണ്ടിക്കാട്ടി ബന്ധുവായ  പ്രസന്നകുമാരിയമ്മ  നേരത്തെ മുഖ്യമന്ത്രിക്കു പരാതി നൽകിയിരുന്നു.