കണ്ണൂര്‍ ഏച്ചൂരിലെ പെട്രോള്‍ പമ്പില്‍ ഗുണ്ടാ ആക്രമണം. ജീവനക്കാരന്‍ പ്രദീപിനെ മൂന്നംഗ സംഘം മര്‍ദ്ദിച്ചു. സ്ഥലവില്‍പനയുമായി ബന്ധപ്പെട്ട കമ്മീഷന്‍ തുകയെ ചൊല്ലിയായിരുന്നു മര്‍ദ്ദനം. പ്രദീപിന്റെ പരാതിയില്‍ കണ്ണൂര്‍ ഭദ്രന്‍ എന്ന മഹേഷ്, ഗിരീഷന്‍, സിബിന്‍ എന്നിവരെ അറസ്റ്റ് ചെയ്തു.വാഹനങ്ങളില്‍ പെട്രോള്‍ അടിക്കാന്‍ നിരവധി പേര്‍ കാത്തുനില്‍ക്കവെ ആയിരുന്നു മര്‍ദ്ദനം. ഇന്നലെ രാത്രി ഏച്ചൂരിലെ സി ആര്‍ പെട്രോള്‍ പമ്പിലായിരുന്നു സംഭവം.