അഭയകേസിൽ  ഡോക്ടർമാരെ സാക്ഷികളാക്കരുതെന്ന പ്രതികളുടെ ഹർജി സി.ബി. ഐ പ്രത്യേക കോടതി തള്ളി. അഭയകേസിലെ പ്രതികളായ  ഫാദർ തോമസ് കോട്ടൂർ‌, സിസ്റ്റർ സെഫി എന്നിവരെ നുണപരിശോധനയ്ക്ക് വിധേയരാക്കിയ ഡോക്ടർമാരെ സാക്ഷികളാക്കരുതെന്ന പ്രതികളുടെ ഹർജിയാണ് സി.ബി. ഐ കോടതി തള്ളിയത്. അഭയ കൊല്ലപ്പെട്ട രാത്രി പ്രതികൾ കോൺവെന്റിൽ ഉണ്ടായിരുന്നുവെന്ന് നുണപരിശോധനയിൽ വെളിപ്പെട്ടിരുന്നു. തൊണ്ടിമുതലുകൾ കോട്ടയം ആർ.ഡി. ഒ കോടതിയിൽ നിന്ന്  വാങ്ങിയിട്ട് തിരികെ നൽകിയില്ലെന്ന്   ക്രൈംബ്രാഞ്ച് അന്വേഷണസംഘത്തിലെ അം​ഗമായിരുന്ന പി.ടി. ജേക്കബ് മൊഴി നൽകി. ഇദ്ദേഹത്തെ പ്രോസിക്യൂഷൻ സാക്ഷിയായിട്ടാണ് വിസ്തരിച്ചത്.  അഭയകേസിലെ സാക്ഷിവിസ്താരം തിരുവനന്തപുരം സി.ബി. ഐ പ്രത്യേകകോടതിയിൽ നാളെയും തുടരും.