പൊൻകുന്നം കെവിഎം ജങ്ഷനിൽ സ്‌കൂട്ടർ ലോറിയ്ക്കടിയിൽപ്പെട്ട് യുവതി മരിച്ചു. പള്ളിയ്ക്കത്തോട് കൂരോപ്പട മാടപ്പാട്ട് കൃഷ്ണവിലാസത്തിൽ അമ്പിളിയാണ് (43) മരിച്ചത്. രാവിലെ 7:30 ന് പൊൻകുന്നം കാഞ്ഞിരപ്പള്ളി റോഡിലായിരുന്നു അപകടം.പൊലീസും ഫയർ ഫോഴ്‌സും സ്ഥലത്തെത്തിയാണ് മൃതദേഹം കെവിഎംഎസ് ആശുപത്രി മോർച്ചറിയിലേക്ക് മാറ്റിയത്. ഫയർഫോഴ്‌സ് എത്തി റോഡിൽ തളം കെട്ടിയ രക്തം കഴുകിക്കളഞ്ഞ ശേഷമാണ് ഗതാഗതം പുനരാരംഭിച്ചത്.