സിഐ സി.എൽ സുധീറിന്റെ സസ്പെന്ഷനിൽ പ്രതികരണവുമായി മോഫിയയുടെ പിതാവ് ദിൽഷാദ്. മുഖ്യമന്ത്രി വാക്കുപാലിച്ചെന്നും കൂടെ നിന്നവർക്ക് നന്ദിയുണ്ടെന്നും മോഫിയയുടെ പിതാവ് വ്യക്തമാക്കി. മുഖ്യമന്ത്രി ഇന്ന് രാവിലെ വിളിച്ചപ്പോൾ പറഞ്ഞത്ത് വേണ്ട നടപടി സ്വീകരിക്കും വിഷയത്തിൽ ഏതെങ്കിലും തരത്തിൽ സഹായം വേണമെങ്കിൽ വിളിക്കാം എന്നുമാണ്. നിലവിൽ ക്രൈം ബ്രാഞ്ച് അന്വേഷണം പുരോഗമിക്കുകയാണ് അതിൽ എന്തെങ്കിലും ആക്ഷേപം ഉണ്ടെങ്കിൽ മുഖ്യമന്ത്രിയെ വിളിക്കാം. തുടർ നടപടികൾ മുഖ്യമന്ത്രിയും വകുപ്പ് മേധാവികളും സ്വീകരിക്കും. ഉദ്യോഗസ്ഥനെതിരെ മനഃപൂർവമല്ലാത്ത നരഹത്യക്കും സ്വത്ത് സമ്പാദനത്തിനും എതിരെ കേസ് എടുക്കും എന്നും എന്ന പ്രതീക്ഷയിലാണെന്നും മോഫിയയുടെ പിതാവ് മാധ്യമങ്ങളോട് പ്രതികരിച്ചു.