തിരുവനന്തപുരം മെഡിക്കൽ കോളജിൽ  കൂട്ടിരിപ്പുകാരനെ മർദിച്ച കേസിൽ രണ്ട്‌ പേർ അറസ്റ്റിൽ . മെഡിക്കൽ കോളജ് ആശുപത്രിയിലെ സുരക്ഷ ജീവനക്കാരാണ്   അറസ്റ്റിലായത്. സ്വകാര്യ ഏജൻസിയുടെ സുരക്ഷ ജീവനക്കാരായ വിഷ്‌ണു, രതീഷ് എന്നിവരാണ് അറസ്റ്റിലായത്.കേസിൽ ഒരാൾ കൂടി പിടിയിലാകാനുണ്ട്. സെക്യൂരിറ്റി ജീവനക്കാരനായ സതീശനാണ് ഇനി പിടിയിലാകാനുള്ളത്. കഴിഞ്ഞ ദിവസം അതീവ ഗുരുതരവസ്ഥയിലുള്ള അമ്മൂമ്മയുടെ ചികിത്സക്കായി മെഡിക്കൽ കോളജിലെത്തിയ ചിറയിൻകീഴ് സ്വദേശി അരുൺ ദേവിനാണ് സെക്യൂരിറ്റി ജീവനക്കാരുടെ മർദനമേറ്റത്.