യുവതിയെ മർദ്ദിച്ചവശയാക്കിയ ശേഷം ന​ഗ്നയാക്കി ​ഗ്രാമത്തിൽ പ്രദക്ഷിണം നടത്തി. ബംഗാളിലെ ഭർഡാകും  ജില്ലയിലാണ് മനസ്സാക്ഷിയെ ഞെട്ടിപ്പിക്കുന്ന ഈ സംഭവം നടന്നത്. 2011-ൽ കാമുകനോടൊപ്പം   ഒളിച്ചോടിയ യുവതി തിരികെ നാട്ടിലെത്തിയപ്പോഴാണ്  നാട്ടുകൂട്ടം  ക്രൂരമായ അക്രമത്തിനിരയാക്കിയത്. വർഷങ്ങൾക്ക് ശേഷം മാതാപിതാക്കളെ കാണാൻ വീട്ടിലെത്തിയ യുവതിയെ വീട്ടിൽ നിന്നും   വലിച്ചിറക്കി മർദ്ദിച്ച് അവശയാക്കിയശേഷം   വസ്ത്രാക്ഷേപം നടത്തുകയായിരുന്നു. തുടർന്ന് ​ഗ്രാമത്തിൽ  പ്രദക്ഷിണം ചെയ്യിച്ചു. വഴിനീളെ മർദ്ദിക്കുകയും  ചെയ്തു.  അന്യമതത്തിൽപ്പെട്ട യുവാവുമായായിരുന്നു യുവതിയുടെ പ്രണയവിവാഹം. ഇതാണ് നാട്ടുകൂട്ടത്തെ പ്രകോപിപ്പിച്ചത്. സംഭവത്തിൽ മനുഷ്യാവകാശകമ്മീഷൻ സ്വമേധയാ കേസ് എടുത്തിട്ടുണ്ട്.