ഓൺലൈൻ ​ഗെയിമിൽ മറ്റൊരു ജീവൻ കൂടി പൊലിഞ്ഞു.  തൃശൂരിൽ 14 കാരൻ ഓൺലൈൻ ഗെയിമിൽ പണം നഷ്ടമായതിനെ തുടർന്ന്  ജീവനൊടുക്കി. തൃശ്ശൂർ ഇരിങ്ങാലക്കുട സ്വദേശി ആകാശാണ് മരിച്ചത്. പണം നഷ്ടപ്പെട്ട വിവരം വീട്ടുകാർ അറിയുമോയെന്ന് ഭയന്നാണ് വീടുവിട്ടിറങ്ങിയത്. കൂടൽമാണിക്യം കുട്ടംകുളത്ത് നിന്ന് കുട്ടിയുടെ മൃതദേഹം കണ്ടെത്തുകയായിരുന്നു. സമീപത്ത് സൈക്കിളും ചെരിപ്പും കണ്ടെത്തിയതിനെ തുടർന്ന് കുളത്തിൽ നിന്നാണ് മൃതദേഹം കണ്ടെത്തിയത്.