ഇടുക്കി പണിക്കൻകുടി സിന്ധു കൊലക്കേസിലെ പ്രതി ബിനോയ് 20 ദിവസങ്ങൾക്ക് ശേഷം അറസ്റ്റിൽ.   പെരിഞ്ചാംകുട്ടിയിൽ നിന്നാണ് ഇയാളെ അറസ്റ്റ് ചെയതത്.. പെരിഞ്ചാംകുട്ടി തേക്കുമുള പ്ലാന്റേഷനിൽ ഇയാൾ ഒളിവിൽ കഴിയുകയായിരുന്നുവെന്നാണ് വിവരം.

സിന്ധുവിനെ കൊലപ്പെടുത്തിയ ശേഷം ഒളിവിൽ പോയ പ്രതിക്കായി പൊലീസ് വ്യാപക പരിശോധന നടത്തിവരികയായിരുന്നു. ഇടുക്കി ഡിവൈഎസ്പിയുടെ നേതൃത്വത്തിൽ മൂന്ന് സ്‌ക്വാഡുകൾ രൂപീകരിച്ചാണ് അന്വേഷണം നടത്തിവന്നത്.കഴിഞ്ഞ മാസം 12 മുതലാണ് സിന്ധുവിനെ കാണാതായത്. മൂന്നുദിവസത്തിന് ശേഷം ബിനോയിയെയും കാണാതായി. ഇതോടെയാണ് ഇയാൾക്കെതിരെ സംശയം ഉയർന്നത്. അമ്മയെ ബിനോയി മർദിച്ചിരുന്നതായുള്ള മകന്റെ മൊഴിയുടെ അടിസ്ഥാനത്തിൽ ബന്ധുക്കൾ നടത്തിയ പരിശോധനയിൽ ബിനോയിയുടെ വീടിന്റെ അടുക്കളയിൽ നിന്ന് സിന്ധുവിന്റെ മൃതദേഹം കണ്ടെത്തി.