ബുലന്ദ്ശഹർ: ഉത്തർപ്രദേശിൽ റോഡരികിൽ കിടന്നുറങ്ങിയവർക്ക്​ നേരെ ബസ്​ പാഞ്ഞുകയറി ഏഴ്​ മരണം. ബുലന്ദ്​ശഹർ ജില്ലയിലെ ഗംഗാഘട്ടിന്​ സമീപം വെള്ളിയാഴ്​ച പുലർച്ചെയാണ്​ സംഭവം. ഒരു കുടുംബത്തിലെ നാലു സ്​ത്രീകളും മൂന്നു കുട്ടികളുമാണ്​ മരിച്ചത്​. 

നരൗര ഘട്ടിൽ ഗംഗാ സ്നാനം നടത്തി മടങ്ങിയ സംഘമാണ്​ അപകടത്തിൽപെട്ടത്​. ഉത്തർപ്രദേശിലെ ഹത്രാസിൽ നിന്നും തീർഥാടനത്തിനെത്തിയ സംഘം റോഡരികിലെ നടപ്പാതയിൽ കിടന്നുറങ്ങുകയായിരുന്നു. നിയന്ത്രണം വിട്ട ബസ്​ റോഡിൽ നിന്നും നടപ്പാതയിലേക്ക്​ ഇടിച്ചുകയറുകയായിരുന്നു.അപകടശേഷം ബസി​​െൻറ ഡ്രൈവർ ഒാടി രക്ഷപ്പെട്ടു. മൃതദേഹങ്ങൾ പോസ്​റ്റ്​മോർട്ടത്തിനായി ആശുപത്രിയിലേക്ക്​ മാറ്റി.