തൃത്താലയിൽ പെൺകുട്ടിയെ മയക്ക്മരുന്നിന് അടിമയാക്കി ലൈംഗികമായി പീഡീപ്പിച്ചതായി പരാതി. പെൺകുട്ടിക്ക് പ്രായപൂർത്തിയാവുന്നതിന് മുമ്പ് മയക്കുമരുന്ന് നൽകിയാണ് പീഡിപ്പിച്ചതെന്ന് അമ്മയുടെ പരാതിയിൽ ആരോപിക്കുന്നു. വിവാഹ വാഗ്ദാനം നൽകി യുവാവ് 2019 മുതൽ പെൺകുട്ടിയെ ഭീഷണിപ്പെടുത്തി പീഡിപ്പിക്കുകയായിരുന്നുവെന്നും പരായിതിയിലുണ്ട്.പെൺകുട്ടിയുടെ നഗ്‌ന ചിത്രങ്ങളും ദൃശ്യങ്ങളുമുണ്ടെന്ന് പറഞ്ഞാണ് നിരന്തരം ഭീഷണിപ്പെടുത്തി പീഡിപ്പിച്ചത്.

ലഹരി ഉപയോഗത്തെ തുടർന്ന് മാനസികനില തകരാറിലായ പെൺകുട്ടി ചികിത്സ തേടി. പെൺകുട്ടിയുടെ അമ്മ മുഖ്യമന്ത്രിക്ക് പരാതി നൽകുകയായിരുന്നു. പരാതിയിൽ ചാലിശ്ശേരി പോലീസ് പെൺകുട്ടിയുടെ അമ്മയുടെ മൊഴി എടുത്തു.