കൊവിഡ് രോഗിയുടെ കൊലപാതകവുമായി ബന്ധപ്പെട്ട് തമിഴ്നാട്ടിൽ സർക്കാർ ആശുപത്രിയിൽ ജോലി ചെയ്തിരുന്ന വനിത കരാർ തൊഴിലാളി അറസ്റ്റിൽ. രതി ദേവിയാണ് പൊലീസ് പിടിയിലായത്.

കൊവിഡ് രോഗലക്ഷണങ്ങളെത്തുടർന്ന് രാജീവ് ഗാന്ധി സർക്കാർ ജനറൽ ആശുപത്രിയിൽ പ്രവേശിപ്പിച്ച 41 കാരിയായ സുനിത എന്ന സ്ത്രീയെ ദുരൂഹമായി കാണാതായ സംഭവവുമായി ബന്ധപ്പെട്ടാണ് അറസ്റ്റ്.സുനിതയുടെ ഭർത്താവ് മൗലി ഭാര്യയെ കാണാതായതായി പൊലീസിൽ പരാതി നൽകി.തുടർന്ന് പൊലീസ് നടത്തിയ പരിശോധനയിൽ ആശുപത്രിയുടെ എട്ടാം നിലയിൽ നിന്ന് അഴുകിയ മൃതദേഹം കണ്ടെത്തി.

സ്‌കാൻ ചെയ്യാനുള്ള കാരണം പറഞ്ഞ് രോഗിയെ കൊണ്ടുപോവുകയും ഇവരെ കഴുത്തുഞെരിച്ച് കൊലപ്പെടുത്തുകയുമായിരുന്നുവെന്ന് പൊലീസ് പറഞ്ഞു.