കഴിഞ്ഞ രാത്രി പനമരത്തിനടുത്ത് അജ്ഞാത മുഖംമൂടി സംഘത്തിൻറെ ആക്രമണത്തിൽ പരിക്കേറ്റ ദമ്പതികളിൽ ഭാര്യയും മരിച്ചു. ഗുരുതരമായി പരിക്കേറ്റ താഴെ നെല്ലിയമ്പം കാവടം പത്മാലയത്തിൽ പത്മാവതിയാണ്‌ (70) മരിച്ചത്‌. വെള്ളിയാഴ്ച പുലർച്ചെ നാല്‌ മണിയോടെയായിരുന്നു അന്ത്യം.വ്യാഴാഴ്ച രാത്രി മുഖംമൂടി ധരിച്ചെത്തിയ സംഘത്തിൻറെ ആക്രമണത്തിൽ ദമ്പതികൾക്ക്‌ കുത്തേറ്റിരുന്നു. ഗുരുതരമായി പരിക്കേറ്റ ഇവരുടെ ഭർത്താവ്‌ താഴെ നെല്ലിയമ്പം പത്മാലയം കേശവൻ മാസ്റ്റർ (75) കഴിഞ്ഞ ദിവസം മരിച്ചു.മുഖം മൂടി ധാരികളായ രണ്ട് പേരാണ് ആക്രമണത്തിന് പിന്നിലെന്നും സംഭവത്തിന്‌ പിന്നിൽ മോഷണ ശ്രമമാണെന്നുമാണ് പ്രാഥമിക നിഗമനം. സംഭവത്തെക്കുറിച്ച് പൊലീസ് അന്വേഷിച്ചുവരികയാണ്.