പാലക്കാട് വീണ്ടും നവജാത ശിശു മരണം. പാലൂർ ധാന്യം ഊരിലെ മാരിയമ്മ- വെള്ളിങ്കിരി ദമ്പതികളുടെ പെൺകുഞ്ഞാണ് പ്രസവിച്ച് മണിക്കൂറുകൾക്കുള്ളിൽ മരിച്ചത്. ബുധനാഴ്‌ച പാലക്കാട് വനിതാ- ശിശു ആശുപത്രിയിലായിരുന്നു സംഭവം.പെൺകുഞ്ഞിന് 990 ഗ്രാം തൂക്കമുണ്ടായിരുന്നു. വയറ്റിൽ കുഞ്ഞിന് അനക്കം ഇല്ലാതിരുന്നതിനെ തുടർന്ന് ചൊവ്വാഴ്‌ച മാരിയമ്മയെ കോട്ടത്തറ ട്രൈബൽ സ്പെഷ്യാലിറ്റി ആശുപത്രിയിൽ പ്രവേശിപ്പിച്ചു.അവിടെ നടത്തിയ റാപ്പിഡ് ആൻ്റിജൻ ടെസ്റ്റിൽ കൊവിഡ് സ്ഥിരീകരിച്ച ഇവരെ പാലക്കാട് വനിതാ ശിശു ആശുപത്രിയിലേക്ക് മാറ്റുകയായിരുന്നു.