ഡൽഹിയിൽ  മസ്ജിദിനുള്ളിൽ വച്ച്  പന്ത്രണ്ടുകാരിയെ മൃഗീയമായി പീഡിപ്പിച്ച മൗലവി റിമാൻഡിൽ. വിവാഹിതനും നാലു കുട്ടികളുടെ  പിതാവുമായ രാജസ്ഥാൻ ഭരത്പൂർ സ്വദേശി മൗലാന മുഹമ്മദ് ഇല്യാസിനെ കഴിഞ്ഞ ദിവസമാണ്  പൊലീസ് അറസ്റ്റ് ചെയ്തത്. ബാലികയെ ആശുപത്രിയിൽ പ്രവേശിപ്പിച്ചിരിക്കുകയാണ്. ഞായറാഴ്ച രാത്രി പത്തു മണിയോടെ മസ്ജിദിനുള്ളിൽ കുടിവെള്ളം എടുക്കാൻ പോയ പെൺകുട്ടിയെ ഇയാൾ ആക്രമിക്കുകയായിരുന്നു.

പൈശാചികമായി പീഡിപ്പിക്ക പ്പെട്ട് അവശയായി മടങ്ങിയെത്തിയ ബാലിക വിവരം മാതാപിതാക്കളെ അറിയിച്ചു. തുടർന്ന് കുടുംബം മൗലവിക്കെതിരെ പോലീസിൽ പരാതി നൽകി. പെൺകുട്ടിയെ വൈദ്യപരിശോധനയ്ക്ക് വിധേയയാക്കിയപ്പോഴാണ് ക്രൂരമായ പീഡനമാണ് നടന്നതെന്ന് ഡോക്ടർമാർ കണ്ടെത്തിയത്.വിവരം പുറത്തുവന്നതോടെ മൗലവിയുടെ രക്ഷക്കായി മസ്ജിദിനു പുറത്ത് ജനം  തടിച്ചു കൂടി. തുടർന്ന് മസ്ജിദിനു പുറത്ത് പോലീസിന് സേനയെ വിന്യസിക്കേണ്ടിവന്നു. പിന്നീട് ഇയാളെ യുപിയിൽ നിന്ന് പൊലീസ് അറസ്റ്റ് ചെയ്യുകയായിരുന്നു.