കോവിഡ് രോ​ഗി നഴ്സിനോട് അപമര്യാദയായി പെരുമാറി . തൃപ്പൂണിത്തുറയിലെ ഡൊമിസിലിയറി കോവിഡ് സെന്ററിലാണ് സംഭവം.  നഴ്സിന്റെ പരാതിയെത്തുടർന്ന് കോതമംഗലം കോഴിപള്ളി സ്വദേശി അഖിലിനെതിരേ ഹില്‍ പാലസ് പോലീസ് കേസെടുത്തു. എക്‌സൈസ് എടുത്ത കേസിലെ പ്രതിയാണ് അഖിൽ. വ്യാജമദ്യവുമായി പിടിയിലായ   ഇയാൾക്കെതിരേ എക്‌സൈസ് കേസെടുക്കുകയായിരുന്നു. തുടർന്ന് നടത്തിയ പരിശോധനയിൽ കോവിഡ് പോസിറ്റീവായതിനെത്തുടര്‍ന്നാണ് ഇയാളെ ഡോമിസിലറി സെന്ററിലേക്ക് മാറ്റിയത്. സംഭവത്തിൽ വൻ പ്രതിഷേധമുയരുന്നുണ്ട്.