എട്ടു വയസുള്ള കുട്ടിയെ പീഡിപ്പിച്ച ഓട്ടോ ഡ്രൈവർ പിടിയിൽ. വാണിയമ്പലം മാട്ടക്കുളം സ്വദേശി മാനുറായിൽ വീട്ടിൽ അബ്ദുൾ വാഹിദ് (38) ആണ് വണ്ടൂർ പൊലീസിന്റെ പിടിയിലായത്. ഇയാളുടെ ഓട്ടോയും പിടിച്ചെടുത്തു.

ഈ വർഷം കുട്ടി ഇയാളുടെ ഓട്ടോയിൽ പോകാൻ വിസമ്മതിച്ചതോടെയാണ് വിവരം പുറത്തറിയുന്നത്. തുടർന്ന് രക്ഷിതാക്കൾ നൽകിയ പരാതിയിൽ പൊലീസ് കേസെടുക്കുകയായിരുന്നു. 2018നും 2020 നും ഇടയിൽ പ്രതി കുട്ടിയെ പല തവണ പീഡിപ്പിച്ചതായാണ് പൊലീസ് പറയുന്നത്.സ്‌കൂളിൽ നിന്ന് തിരിച്ചു വരുമ്പോൾ അവസാനം ഇറങ്ങുന്നത് ഈ കുട്ടിയായിരുന്നു. മറ്റുള്ളവർ ഇറങ്ങി കഴിഞ്ഞതിന് ശേഷമാണ് ഇയാൾ കുട്ടിയെ പീഡിപ്പിച്ചിരുന്നത്.പ്രതിക്കെതിരെ പോക്സോ, ജുവനൈൽ ജസ്റ്റിസ് ആക്ട് തുടങ്ങിയ വകുപ്പുകൾ ചുമത്തിയാണ് കേസെടുത്തിരിക്കുന്നത്. പ്രതിയെ മഞ്ചേരി കോടതിയിൽ ഹാജരാക്കി.