വാക്കുതർക്കത്തെ തുടർന്ന് പുനലൂരിൽ യുവാവിനെ നടുറോഡിൽ വെട്ടി കൊലപ്പെടുത്തി. പുനലൂർ ചെമ്മന്തൂർ സന്തോഷ് ഭവനിൽ സനിൽകുമാർ (39) ആണ് കൊല്ലപ്പെട്ടത്. ചെമ്മന്തൂരിൽ കുതിരച്ചിറ റോഡിൽ ചൊവ്വാഴ്ച രാത്രിയാണ് സംഭവം. കൊലപാതകവുമായി ബന്ധപ്പെട്ട് സുഹൃത്തും ചെമ്മന്തൂർ പകിടി സ്വദേശിയുമായ സുരേഷിനെതിരെ പൊലീസ് കേസെടുത്തു. ഇയാളെ പൊലീസ് പിടികൂടി.സാമ്പത്തിക ഇടപാടിനെ ചൊല്ലിയുള്ള തർക്കമാണ് പ്രകോപനത്തിന് കാരണമെന്ന് പൊലീസ് പറയുന്നു. മൃതദേഹം പുനലൂർ താലൂക്കാശുപത്രിയിൽ സൂക്ഷിച്ചിരിക്കുകയാണ്.