കൊവിഡ് രോഗിയെ ആംബുലൻസിൽ പീഡിപ്പിച്ച കേസിൻറെ വിചാരണ ജൂൺ മൂന്നിന് ആരംഭിക്കും. 2020 സെപ്തംബർ അഞ്ചിന് രാത്രി ആറന്മുളയിൽ വച്ചാണ് കൊറോണ രോഗിയെ ആംബുലൻസിൽ വച്ച് പീഡിപ്പിച്ചത്. പത്തനംതിട്ട പ്രിൻസിപ്പൽ സെഷൻസ് കോടതിയിലാണ് വിചാരണ നടക്കുക.പീഡനത്തിനിരയായ പെൺകുട്ടിയുടെയും സാക്ഷികളുടേയും വിസ്താരം പൂർത്തിയായ ശേഷമായിരിക്കും പ്രതി നൗഫലിൻറെ വിചാരണ. കൊവിഡ് സ്ഥിരീകരിച്ച 19കാരിയെ ആശുപത്രിയിലേക്ക് കൊണ്ടുപോകുന്ന വഴി ആംബുലൻസ് ഡ്രൈവർ ആയിരുന്ന നൗഫൽ ലൈംഗിക പീഡനത്തിന് ഇരയാക്കുകയായിരുന്നു.