തിരുവനന്തപുരം: കൊച്ചിയിലെ അഗതി മന്ദിരത്തില്‍ വയോധികയെ മര്‍ദിച്ച സംഭവത്തില്‍ അടിയന്തര അന്വേഷണത്തിനും കുറ്റക്കാര്‍ക്കെതിരെ കര്‍ശന നടപടിയെടുക്കാനും ആരോഗ്യ സാമൂഹ്യനീതി വനിത ശിശുവികസന വകുപ്പ് മന്ത്രി കെ.കെ. ശൈലജ ടീച്ചര്‍ സാമൂഹ്യനീതി വകുപ്പ് ഡയറക്ടര്‍ക്ക് നിര്‍ദേശം നല്‍കി.

കൊച്ചി കോർപറേഷന് കീഴിൽ പ്രവർത്തിക്കുന്ന പള്ളുരുത്തിയിലെ അഗതി മന്ദിരത്തിലെ അന്തേവാസിയായ മകളെ അനധികൃതമായി ജോലിചെയ്യിപ്പിച്ചത് ചോദ്യം ചെയ്‌ത വയോധികയെ സൂപ്രണ്ട് അൻവർ ഹുസൈൻ മർദിച്ച സംഭവം വലിയ വാർത്ത ആയിരുന്നു. സംഭവത്തിൽ ജില്ലാ കളക്ടർ പോലീസിനോട് റിപ്പോർട്ട് തേടിയിരുന്നു.