തെലങ്കാനയിൽ അഭിഭാഷക ദമ്പതികളെ അജ്ഞാതർ കൊലപ്പെടുത്തി. പെടപ്പള്ളി ജില്ലയിലെ കലാവച്ചറ ദേശീയ പാതയിൽ വെച്ചാണ് ദമ്പതികളെ അജ്ഞാതർ ആക്രമിച്ചത്. ഹൈക്കോടതി അഭിഭാഷകരായ വാമന റാവുവും ഭാര്യ നാഗമണിയുമാണ് കൊല്ലപ്പെട്ടത്.കാറിൽ സഞ്ചരിക്കുന്നതിനിടെ ഒരു സംഘം കാർ തടയുകയും ദമ്പതികളെ കത്തി ഉപയോഗിച്ച് ആക്രമിക്കുകയുമായിരുന്നു. പെടപ്പള്ളി സർക്കാർ ആശുപത്രിയിൽ ചികിത്സയിലിരിക്കെയാണ് ദമ്പതികൾ മരണപ്പെട്ടത്. സംഭവത്തിൽ പൊലീസ് കേസെടുത്ത് അന്വേഷണം ആരംഭിച്ചു.