കണ്ണൂർ വിമാനത്താവളത്തിൽ വിദേശത്തു നിന്നെത്തിയ മൂന്നുപേരിൽ നിന്നായി സ്വർണവും ഇലക്ട്രോണിക് ഉപകരണങ്ങളും കസ്റ്റംസ് പിടികൂടി. ദുബൈയിൽ നിന്നെത്തിയ കാസർകോട് സ്വദേശി സെയ്ദ് ചെമ്പരിക്കയിൽ നിന്ന് 116 ഗ്രാം, ഇബ്‌റാഹിം ബാദ്ഷായിൽ നിന്ന് 312 ഗ്രാം, ഷാർജയിൽ നിന്നെത്തിയ കാസർകോട് സ്വദേശി അബ്ദുൽ ബാസിത്തിൽ നിന്ന് 360 ഗ്രാം എന്നിങ്ങനെയാണ് സ്വർണം പിടിച്ചെടുത്തത്.ബാസിത്തിൽ നിന്ന് സ്വർണത്തിനു പുറമെ ആറ് ഡ്രോണും, 92,500 രൂപയുടെ സിഗരറ്റും പിടികൂടിയിട്ടുണ്ട്.