ആറ്റിങ്ങൽ ചെമ്പക മംഗലത്ത് യുവാവ് കുത്തേറ്റ് മരിച്ചു.ചെമ്പക മംഗലം കുറക്കട സ്വദേശി വിഷ്ണു (30) ആണ് കുത്തേറ്റു മരിച്ചത്.മരിച്ച വിഷ്ണുവിൻറെ സുഹൃത്ത് കാരിക്കുഴി സ്വദേശി വിമലിനെ (38) പരിക്കുകളോടെ വെഞ്ഞാറമൂട്ടിലെ സ്വകാര്യ ആശുപത്രിയിൽ പ്രവേശിപ്പിച്ചു.ഇന്നലെ രാത്രി പത്തരയോടെ ചെമ്പക മംഗലത്താണ് സംഭവം. വിഷ്ണുവിനെ വീട്ടിൽ നിന്ന് വിളിച്ചിറക്കിയാണ് ആക്രമിച്ചത്. ഇരുവരുമായുള്ള അടിപിടിക്കിടെ വിമലിനും പരിക്കേറ്റു. നെഞ്ചിലേറ്റ കുത്താണ് വിഷ്ണുവിൻറെ മരണത്തിന് കാരണം. ആശുപത്രിയിലുള്ള വിമൽ പൊലീസ് നിരീക്ഷണത്തിലാണ്. മംഗലപുരം പൊലീസ് കേസെടുത്തു. മുൻ വൈരാഗ്യമാണ് കൊലക്ക് കാരണമെന്നാണ് പൊലീസ് പറയുന്നത്.