ചാവക്കാട് തിരുവത്രയിൽ ആൾതാമസമില്ലാത്ത വീട്ടിൽ മോഷണം. 36 പവൻ സ്വർണം നഷ്ടപ്പെട്ടു.  പുതിയറ വലിയകത്ത് മുഹമ്മദ് അഷ്‌റഫിൻറെ വീട്ടിലാണ് മോഷണം നടന്നത്. എട്ടുമാസമായി ഈ വീട്ടിൽ ആൾതാമസമില്ലായിരുന്നു. അഷ്‌റഫും കുടുംബവും ആലപ്പുഴയിലെ വീട്ടിലാണ് താമസം. 

എല്ലാമാസവും വീട്ടിൽ എത്താറുള്ള അഷ്റഫ് കഴിഞ്ഞ മാസം എത്തിയിരുന്നില്ല. ഇന്ന് രാവിലെ വീട്ടിലെത്തിയ ജോലിക്കാരനാണ് മോഷണം നടന്ന വിവരം അറിഞ്ഞത്. പിൻവശത്തുള്ള വാതിൽ പൊളിച്ചാണ് മോഷ്ടാക്കൾ വീട്ടിലേക്ക് കയറിയത്. ചാവക്കാട് പൊലീസ് അന്വേഷണം ആരംഭിച്ചു.