പശ്ചിമബംഗാളില്‍ 14 വയസുള്ള പെണ്‍കുട്ടിയെ അധ്യാപകനും സുഹൃത്തും ചേര്‍ന്ന് ബലാത്സംഗം ചെയ്തു. ബലാത്സംഗത്തിന് ശേഷം പെണ്‍കുട്ടിയുടെ ദൃശ്യങ്ങള്‍ പകര്‍ത്തിയതായും പെണ്‍കുട്ടി പൊലീസിന് നല്‍കിയ പരാതിയില്‍ പറയുന്നു. പശ്ചിമബംഗാളിലെ നോര്‍ത്ത് 24 പര്‍ഗാനയിലാണ് സംഭവം.

സ്വകാര്യ സ്ഥാപനത്തിലെ അധ്യാപകനെ പെണ്‍കുട്ടിയുടെ പരാതിയില്‍ പോലീസ് അറസ്റ്റ് ചെയ്തു. ഒപ്പം ഉണ്ടായിരുന്ന സുഹൃത്തിനെതിരെ ലുക്ഔട്ട് നോട്ടീസ് പുറപ്പെടുവിച്ചിട്ടുണ്ട്. അയാളെ പിടികൂടാനായി അന്വേഷണം ഊര്‍ജ്ജിതമാക്കിയതായും പോലീസ് പറഞ്ഞു.

അധ്യാപകനെ പൊലീസ് ശനിയാഴ്ച കോടതിയില്‍ ഹാജരാക്കിയിരുന്നു. കോടതി ഇയാളെ ഏഴു ദിവസത്തേക്ക് റിമാന്‍ഡ് ചെയ്തു.