മഹാരാഷ്ട്രയിലെ പൽഗാറിൽ 12കാരിയെ ബലാത്സംഗം ചെയ്ത കേസിലെ പ്രതി അറസ്റ്റിൽ. 30കാരനായ ദിയോറാം ഭോയെ എന്ന കോൺട്രാക്റ്ററാണ് കേസിൽ അറസ്റ്റിലായിരിക്കുന്നത്. പൽഗാർ ജില്ലയിലെ മൊഖാദ ഏരിയയിലാണ് സംഭവം നടന്നത്.

ബുധനാഴ്ച്ച താവിയചിവാടിയിലെ വീട്ടിലെത്തിയ പ്രതി വീട്ടിൽ ഒറ്റക്കായിരുന്ന പെൺകുട്ടിയെ പീഡിപ്പിക്കുകയായിരുന്നു. ഈ സമയം പെൺകുട്ടിയുടെ സഹോദരൻ വീട്ടിലെത്തുകയും സംഭവം അറിയുകയും ചെയ്തു. തുടർന്ന് പെൺകുട്ടിയുടെ സഹോദരൻ ബഹളംവെച്ച് പ്രദേശവാസികളെ സംഘടിപ്പിക്കാൻ ശ്രമിക്കവെ പ്രതിയായ ദിയോറാം കടന്നുകളഞ്ഞു. തുടർന്ന് കുടുംബാംഗങ്ങളുടെ പരാതിയുടെ അടിസ്ഥാനത്തിൽ ദിയോറാമിനെ മൊഖാദ പൊലീസ് പിടികൂടി.