ലഹരിക്കടത്ത് കേസില്‍ നടി റിയ ചക്രവര്‍ത്തിയുടെ സഹോദരന്‍ ഷ്വയ്ക് ചക്രവര്‍ത്തി അറസ്റ്റില്‍. ബോളിവുഡ് നടന്‍ സുശാന്ത് സിംഗിന്റെ മരണവുമായി ബന്ധപ്പെട്ടും ഷ്വയ്കിനെ ചോദ്യം ചെയ്യുമെന്ന് സുശാന്തിന്റെ അഭിഭാഷകന്‍ വികാസ് സിംഗ് പറഞ്ഞു.

പത്ത് മണിക്കൂര്‍ നീണ്ട ചോദ്യം ചെയ്യലുകള്‍ക്കൊടുവിലാണ് ഷ്വയ്കിനെ നാര്‍ക്കോട്ടിക്സ് കണ്‍ട്രോള്‍ ബ്യൂറോ അറസ്റ്റ് ചെയ്തത്. സുശാന്തിന്റെ മാനേജര്‍ സാമൂവല്‍ മീരാന്‍ഡയെയും ഉടന്‍ അറസ്റ്റ് ചെയ്യുമെന്നാണ് റിപ്പോര്‍ട്ടുകള്‍.

സുശാന്ത് സിംഗ് മരണുമായി ബന്ധപ്പെട്ട് എന്‍സിബി ഉദ്യോഗസ്ഥര്‍ റിയ ചക്രവര്‍ത്തിയുടെ വസതിയിലെത്തിലെത്തി പരിശോധന നടത്തിയിരുന്നു. സുശാന്തിന്റെ മരണത്തില്‍ ലഹരി മരുന്ന് മാഫിയയ്ക്ക് ബന്ധമുണ്ടോയെന്ന കാര്യം അന്വേഷിച്ചുവരികയാണ്.

ഇന്ന് രാവിലെ ആറരയോടെയാണ് എന്‍.സി.ബി ടീം റിയയുടെ വീട്ടിലെത്തിയത്. തുടര്‍ന്ന് റിയയും കുടുംബവും തങ്ങളുടെ മൊബൈല്‍ ഫോണ്‍, ലാപ്‌ടോപ്പ് തുടങ്ങിയവ അന്വേഷണ ഉദ്യോഗസ്ഥര്‍ക്ക് കൈമാറിയിരുന്നു.