എൽ.ഡി.എഫ് സർക്കാർ അഞ്ചാം വർഷത്തിലേക്ക് കടക്കുകയാണ്. ഇതിന്റെ ഭാഗമായി മുഖ്യമന്ത്രി പിണറായി വിജയൻ ഇന്ന് ഫെയ്സ്ബുക്ക് വഴി ജനങ്ങളുമായി സംവദിക്കും. കോവിഡ് -19 ന്റെ  പശ്ചാത്തലത്തിൽ ആഘോഷപരിപാടികൾ ഏതുമില്ലാതെയാണ് നാലാം വാർഷികം കടന്നുപോകുന്നത് . സർക്കാരിന്റെ പ്രവർത്തനവുമായി ബന്ധപ്പെട്ട് ജനങ്ങൾക്കുള്ള സംശയങ്ങൾക്ക് മറുപടി പറയാനാണ് മുഖ്യമന്ത്രി സോഷ്യൽ മീഡിയയിലൂടെ തത്സമയം എത്തുന്നത്. വാർത്താ സമ്മേളനത്തിനു ശേഷമായിരിക്കും സോഷ്യൽ മീഡിയയിലൂടെയുള്ള സംവാദം. എല്ലാ സോഷ്യൽമീഡിയാ പ്ലാറ്റ്ഫോമുകളിലേയും അക്കൗണ്ടുകളിലൂടെ ജനങ്ങൾക്ക് രാവിലെ 11 മണി വരെ മുഖ്യമന്ത്രിയോട് ചോദ്യങ്ങൾ ചോദിക്കാവുന്നതാണ്.  മുഖ്യമന്ത്രിയുടെ ഫെയ്സ്ബുക്ക് പോസ്റ്റിലൂടെയാണ് ഇക്കാര്യം  അറിയിച്ചത്.