ദില്ലി കലാപത്തിന് കാരണമായ വിദ്വേഷ പ്രസംഗം നടത്തിയ ബിജെപി നേതാവ്  കപിൽ മിശ്രയ്ക്ക് വൈ കാറ്റഗറി സുരക്ഷ. സുരക്ഷാ പ്രശ്നങ്ങളുണ്ടെന്ന് ചൂണ്ടിക്കാട്ടി കപിൽ മിശ്ര നൽകിയ അപേക്ഷ പരിഗണിച്ചാണ് സുരക്ഷ വർധിപ്പിച്ചത്. വിദ്വേഷ പ്രസംഗത്തിന് മിശ്രയെ അറസ്റ്റ് ചെയ്യണമെന്ന ആവശ്യം ഉയരുന്ന സാഹചര്യത്തിലാണ് ഈ നടപടി. അതേസമയം മിശ്രയെ അറസ്റ്റ് ചെയ്യുന്നതിന് പകരം സുരക്ഷ വർധിപ്പിച്ച ബിജെപി സർക്കാരിനെ പ്രതിപക്ഷം നിശിതമായി വിമർശിച്ചു. ദില്ലി കലാപത്തിന് കാരണമായ വിദ്വേഷ പ്രസംഗം നടത്തിയ കപിൽ മിശ്രയ്ക്ക് പുറമെ മറ്റ് ബിജെപി നേതാക്കളായ അനുരാഗ് ഠാക്കൂര്‍, അഭയ് വര്‍മ്മ, പര്‍വേഷ് വര്‍മ്മ എന്നിവര്‍ക്കെതിരെ കേസെടുക്കണമെന്ന ഹർജി നാളെ പരിഗണിക്കും. ദില്ലി കലാപവുമായി ബന്ധപ്പെട്ട് നിലവിൽ നാലായിരത്തിലധികം പേർക്കാണ് പരിക്ക് പറ്റിയിട്ടുള്ളത് .